एसिया महादेश भित्र अवस्थित सुन्दर र शान्त देश नेपालको सुदुरपूर्वि प्रदेश कोशी प्रदेशमा पर्ने झापा जिल्लाको विर्तामोड नगरपालिकामा यो प्रतिष्ठान अवस्थित छ । विर्तामोड नगरपालिका क्षेत्रको उत्तरतर्फ अर्जुनधारा नगरपालिका रहेको छ भने दक्षिण तर्फ क्रमश: हल्दिवारी र वाह्रदशी गाउँपालिका अवस्थित छन । पूर्वमा मेचीनगर तथा भद्रपुर नगरपालिका छन भने पश्चिमतर्फ कनकाई नगरपालिका रहेका छन ।

जमिनयूक्त विर्तामोड नगरपालिका क्रमश: व्यापारिक केन्द्रको रूपमा रूपान्तरण भैरहेको छ । कोशी प्रदेशको मेची अंचल झापा जिल्लामा रहेको विर्तामोड नगरपालिका २६ ।२० डिग्री उत्तर देखी २६ ।५० डिग्री उत्तर अक्षांस र ८७ ।३९ डिग्री पूर्व देखी ८८ ।१२ डिग्री पूर्व देशान्तरमा पर्दछ । सामुद्रीक सतह देखी ५०० मिटर उचाईमा रहेको यस क्षेत्रमा विविधतायूक्त जातजातीहरू जस्तै: ब्राहमण, क्षेत्री, राई, लिम्बु, मगर, थारू, राजवंशी, संथाल आदीको वसोवास रहेको छ । मनसुनी वायुले वर्षा ऋतुमा यस भागमा २०० मि ।मि सम्मवर्षा गराउदछ । जीविको पार्जनको मूल पेशा कृषि नै भएता पनि व्यापार तथा अन्य व्यवसायको वाहुल्यता वढदो छ । गर्मि याममा गर्मी हुने र जाडो याममा जाडो हुने याहाको विशेषता रहेको छ । गर्मीमा तापक्रम ३४० से. र वर्षा २०० मि. मि. सम्म हुने गर्दछ भने जाडोमा पश्चिमी वायूले केही वर्षा गराएपनि अधिकांस समय वर्षा हुँदैन । यहाँ सदावहार किसिमका वनस्पतिकहरूको वाहुल्यता रहेको छ किनकी यो क्षेत्र उष्ण प्रदेशकै एउटा हिस्सा हो । आँप, लिच्चि, केरा, भुईकटहर, अम्वा, मेवा, सुपाडी, नरिवल इत्यादी फलफूल का साथै चिया खेतीले झापाको सून्दरता, हरियाली र जिविको पार्जनमा अतुलनिय शोभा वढाएको प्रतित हुन्छ । सामुद्रीक सतहवाट ५८ मिटर उचाई को क्षेत्र देखी ५०० मिटर उचाई सम्मको विविधतायूक्त भौगोलिक वनोट अनुसार नै यहाँको हावा पानी पनि विविधतायूक्त पाईन्छ । 

विभिन्न जातजाती, भाषाभाषी, र धार्मिक सम्प्रदायका व्यक्तिहरूको वसोवास रहेको यो जिल्ला हरेक दृष्टिकोण वाट विविधतायूक्त रहेको छ । जनसंख्याको सानो हिस्सा मात्र आर्थिक रूपले सम्पन्न रहेका छन भने अधिकांश मध्यम वर्गिय र निम्न वर्गिय व्यक्तिहरूको वाहूल्यता पाईन्छ । आय आर्जनको अर्को माध्यमको रूपमा वैदेशिक रोजगारलाई निम्न वर्गिय व्यक्तिहरूले अपनाई रहेको छन ।

जनसंख्याको ठुलो हिस्सा वेरोजगार र अदक्ष रहेको यो जिल्ला तथा बिर्तामोड नगरपालिकामा समेत प्राविधिक तथा व्यावसायिक शिक्षाको माध्यमवाट दक्ष गराई रोजगारमा यूवाहरूलाई संलग्न गराउनु पर्ने वर्तमान आवश्यकता रहेकोले शिपयूक्त जनशक्ती उत्पादन गरी आय आर्जनमा वृद्धि गराई सामाजिक आर्थिक उन्नति गर्नु र देशलाई आत्म निर्भर गराउनु नै प्राविधिक शिक्षा तथा व्यावसायिक तालिमहरूको आवश्यकता देखिन्छ ।समुदायमा प्राविधिक ज्ञान र सिपकोलागि सकारात्मक र सक्रिय सहभागिताको वातावरण वनाई रोजगारीका अवसरहरूको अभिवृद्धि गर्दै उत्पादन वृद्धि गराउनु नै यसको औचित्यता र उपादेयता मान्न सकिन्छ । हाल सम्म यस प्रतिष्ठानवाट डिप्लोमा कृषि (वालि विज्ञान) तर्फ १३ जना, डिप्लोमा कृषि पशु विज्ञान तर्फ २४ जना, डिप्लोमा वन विज्ञान तर्फ १९ जना, प्रशिक्षार्थीहरू दिक्षित भैसकेका छन भने २० जना प्रशिक्षार्थिहरूले छोटो अवधिको तालिम समेत लिइ सकेका छन । यसै गरी प्रतिष्ठानले आसपासका क्षेत्रहरूमा आवश्यक प्राविधिक सेवा समेत दिदै आएको छ ।